الرئيسية
أحدث الصور
من طرف 
أفرد صابعك وحد ربك
شاوركده عالسما بإيديك
أكتب واحد ميس هتحبك
زى المدنة وسهل عليك
ميس بتقول يللا ياشاطرين
ياللى فهمتم لما شرحت
.. لو عايزين نكتب اتنين
نكتب شرطة وننزل تحت
سنة اهيه وسنة كمان
يبقى عملناسنتيـــن
ننزل تبقى تلاتة جنان
يللا أكتبها مرتيـــن
قاللى سؤال وجاوبت عليه
بص عالأربعة بالعين
تقدر توصف شكلها إيه؟
قلت اتنين مشبوكة فى اتنين
عد صوابع إيدك كام
وأكتب لنا عالسبورة
وأعرف إن الخمسة تمام
تشبه دايرة صغيورة
والستة مين يعرف مين
يوصف شكلها وفي ثانية
قول شكلها زى الاتنين
باصه على الناحية التانية
و انا عايز افرد صابعين
وأشاور بعلامة النصر
والسبعة كدة بخطين
تشبه شكل الدلتا فى مصر
كل اللى شافها بيعرفها
ااااااادى التمانية المحبوبة؟
سألونى تقدر توصفها ؟
أنا قلت سبعة ومقلوبة
مادام بنوصف فالأرقام
التسعة مش عايزة حكاية
والشكل من غير أى كلام
واحد وشايل خمساية
والعشرة صفر وواحد
وأدى الواحدعارفينه
يللا يا يمنى أنت و حامد
نكتب صفر على يمينه
طبعا مع حركات و ايماءات للمعلمة مع كتاكيتها فى الفصل
بس نشيد كووول كوووووول يعنى
