منتديات وينكى لرياض الاطفال

مرحبا نتمنى التسجيل معنا لتفيدى و تستفيدى و نتبادل الخبرات سويا

انضم إلى المنتدى ، فالأمر سريع وسهل

منتديات وينكى لرياض الاطفال

مرحبا نتمنى التسجيل معنا لتفيدى و تستفيدى و نتبادل الخبرات سويا

منتديات وينكى لرياض الاطفال

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات وينكى لرياض الاطفال

مرحلة رياض الاطفال و معلمات الروضة


    المركب عمالة تكركب…

    وينكى
    وينكى


    انثى عدد المساهمات : 353
    تاريخ التسجيل : 08/02/2011
    العمر : 38
    الموقع : https://winky.yoo7.com
    العمل/الترفيه : معلمة اطفال

    المركب عمالة تكركب…  Empty المركب عمالة تكركب…

    مُساهمة من طرف وينكى الخميس فبراير 10, 2011 12:55 am











    كان يا ما كان فيه فارة عايشة على

    شطّ النهر، و في يوم من الأيام حبّت تعدّي النهر عشان تزور عمتها

    اللي ساكنة على الشط التاني، لكنها مكانتش لاقية حاجة تركبها

    عشان تعدّي فيها النهر.

    قعدت الفارة تدور وتفتش لغاية ما لاقت قشرة بيضة، قامت راكبة في

    قشرة البيضة وقعدت تقدّف في النهر بعود كبريت.

    وبعد شوية سمعت صوت بيقول: مين اللي في المركب والمركب عمالة تكركب؟

    ردت الفارة وقالت: أنا الفارة، وإنت مين؟

    - أنا الصرصارة

    - عايزة إبه يا صرصارة؟

    - عايزة أركب معاكي

    - طيب يالا تعالي نطي

    نطت الصرصارة في قشرة البيضة، وفضلوا يقدّفوا، يقدفوا، والنهر يعمل : ووش ووش ووش ، لغاية ما سمعوا صوت بيقول:


    مين اللي في المركب والمركب عمالة تكركب؟

    قالوا: إحنا الفارة والصرصارة، وإنت مين؟

    - أنا الفرخة الحمرة النقارة

    - عايزة إيه يافرخة حمرة و نقّارة؟

    - عايزة أركب وياكم

    - يالا تعالي نطي

    و نطت الفرخة في قشرة البيضة، وفضلوا يقدفوا، ويقدفوا، والنهر

    يعمل: ووش ووش ووش، لغاية ما سمعوا صوت بيقول : مين اللي في المركب

    والمركب عمالة تكركب؟

    - إحنا الفارة والصرصارة والفرخة الحمرة النقارة، وإنت مين؟

    - أنا الديك اللي بيدّن في السحّارة ( يعني الفجر)

    - عاوز إيه يا ديك؟

    - عاوز أركب معاكم

    - يالا نط

    و نط الديك في قشرة البيضة، وفضلوا يقدفوا ، والنهر يعمل ووش

    ووش ووش، لغاية ما سمعوا صوت بيقول : مين اللي في المركب والمركب

    عمالة تكركب؟

    - إحنا الفارة والصرصارة والفرخة الحمرة النقارة والديك

    اللي بيدن في السحّارة، وإنت مين؟


    - أنا الخروف اللي بياخدوا منه الصوف

    - عاوز إيه ياخروف؟

    - عاوز أركب وياكم

    - يالا نط

    و نط الخروف في قشرة البيضة، وفضلوا يقدفوا ويقدفوا، والنهر يعمل

    ووش ووش ووش، لغاية ما سمعوا صوت بيقول: مين اللي في المركب

    والمركب عمالة تكركب؟


    - إحنا الفارة والصرصارة والفرخة الحمرة النقارة والديك

    اللي بيدّن في السحّارة والخروف اللي بياخدوا منه الصوف، وإنت مين؟


    - أنا الجمل اللي بيشيل الشيل ( يعني المتاع الثقيل)

    - عاوز إيه ياجمل؟

    - عاوز أركب معاكم

    - يالا نط

    و نط الجمل في قشرة البيضة، وفضلوا يقدفوا و يقدفوا، والنهر يعمل

    ووش ووش ووش، لغاية ما سمعوا صوت رفيع خالص بيقول: مين اللى فى

    المركب والمركب عمالة تكركب؟

    - إحنا الفارة والصرصارة والفرخة الحمرة النقارة والديك

    اللي بيدّن في السحّارة والخروف اللي بياخدوا منه الصوف والجمل اللي

    بيشيل الشيل، وإنت مين؟


    – أنا البرغوت اللي بيقرص بالنبّوت ( من شدة القرص)

    – عاوز إيه يا برغوت؟

    – عاوز أركب و ياكم

    – يالا نط

    ونط البرغوت في قشرة البيضة وقعد يقرص فيهم و يقرص فيهم لغاية

    ما انقلبت المركب ووقعوا كلهم في النهر، وفضلوا يعوموا لغاية ما

    وصلوا الشط عند عمة الفارة.

    *****

    كانت هذه القصة محبوبة جدا لدى الأطفال لأنها كانت تروى بصوت فيه

    نغمات و تغيير نبرات لملاءمة الأحداث والشخصيات . أما في الروضة

    فيمكن أن يشترك الأطفال في تمثيل حركاتها، كما يمكن أن تقص شخصياتها

    على الورق الملون ولصقها الواحدة تلو الأخرى حسب تسلسل أحداث

    القصة على لوحة القصص.





    ملحوظة: من الآفضل أن تقوم بسردها معلمة تتقن اللهجة العامية المصرية.














    .

      الوقت/التاريخ الآن هو الجمعة مارس 29, 2024 1:28 am